//教師去旅行的辛酸//

以下教師去旅行的辛酸，本人僅代表部分/...

//教師去旅行的辛酸//

以下教師去旅行的辛酸，本人僅代表部分/大部分教師發聲，如有雷同實屬巧合(笑)

1. 其實學生放假，真係唔等於我地放假架

人人見到你都會話：你地做呢份工大把假啦，學生放假你地於放，勁正！但查實無乜幾多個係學生放假等於你放假，老老實實，大家放晒假，來年編班、教案教材、暑期活動、試卷揾邊個做？所以多數佢地放左假，我地就開工。

2. 人地以為你個個假期飛咁正，實質一家大細陪你捱Peak Season貴機票費酒店。

其實呢，都係既。但係我地次次PeakSeason去、捱貴機票酒店仲要同成村人迫個陣你地唔知啫。仲未計如果另一半或者屋企人陪你PeakSeason去旅行個筆數呀，都真係幾襟計。

3. 同平機票近乎絕緣

首先，教師多數早訓，叫佢半夜12點狂禁F5買平機票呢，其實有啲難。當你捱眼訓，俾你入到去揀日子，你就會發現，平機票家野呢...多數都係飛淡季..

4. 紅葉？櫻花？薰衣草？咩黎架？

由於無得自由請假既關係，基本上所有季節性既花田草海諸如此類，做教師都係睇唔到架！所以當你講起日本啲紅葉有幾靚或者啲韓國啲櫻花有幾浪漫既時候，希望你唔好怪我地搭唔到嘴😂😂

---